staan én Theo se visie verstaan,” sê
sy. “Ek het ook skedulering verstaan,
maar ek moes meer oor musiek leer. As
produksie-assistent het ek op kykNET
musiek geskeduleer tussen die programme, maar hierdie was nét ’n musiekkanaal. So tussen hakies: Een van die grootste blapse wat ek by kykNET gemaak het,
was om ’n Fokofpolisiekar-video voor
’n episode van Tjommies te skeduleer...”
NÁ SKOOL OP UPINGTON het Feroza
’n B.A.-graad in oudivisuele en produk
siebestuur in Johannesburg voltooi. In
2001 het sy ’n maand of twee op die
eerste Suid-Afrikaanse produksie van
Idols gewerk, die reeks wat deur Heinz
Winckler gewen is. Daarna het sy in die
bankwese gewerk, maar sy het geweet
dit is nie wat sy die res van haar lewe wil
doen nie. Sy het “hard gebid”, en in 2003
kry sy toe ’n oproep: Iemand saam met
ek met gordelroos gediagnoseer en Theo het gesê ek moet
soveel tyd vat as wat nodig is
om gesond te word. Maar ek
kon nie by die huis bly nie.
My een oog was nog toegeswel, toe sit ek weer voor
my rekenaar. Ons was soos
’n familie. Ek én my kollegas
het elke liewe dag uitgesien
na die dag se programme.”
Destyds was daar nog nie
soveel programme soos vandag nie.
“Geen ontbytprogramme nie, min leefstylprogramme, net een drama per jaar,”
onthou sy.
In 2008 het sy as toesigvervaardiger
begin werk en in 2013 is sy as hoof
van inhoudsbeplanning en skedulering
aangestel, die pos wat sy vandag nog
beklee. Vandag werk daar 38 mense by
kykNET, en daar is drie plaaslike en
‘Een van die grootste blapse wat ek by kykNET
gemaak het, was om ’n video van Fokofpolisiekar
voor ’n episode van Tjommies te skeduleer...’
wie sy op Idols gewerk het, het haar CV
vir die mense by kykNET gestuur.
“My studie het my die teoretiese kennis
gegee, maar nie die praktiese ondervin
ding nie. Ek moes noodgedwonge vinnig
leer hoe alles werk. En as ek nie geweet
het nie, het ek gevra.”
Vyf maande lank het sy gehelp om die
kanaal op sy voete te kry, en toe Sandra
se pos as hoof van skedulering van
kykNET oopgaan, het sy aansoek gedoen
om die pos. In Desember 2005 het sy as
skeduleringsbestuurder begin.
HOE HET KYKNET deur die jare
verander? “Die groei was geweldig,”
sê Feroza. “Song vir Katryn was ons
eerste dramareeks, later Plek van die
Vleisvreters. Die kanaal het ook in 2004
sy eerste volwaardige sepie, Villa Rosa,
gekry. Én die werklikheidsreeks Zing.
Alles in een jaar. Ek onthou die aand van
Villa Rosa se eerste uitsending soos gister
– dit was Oktober 2004. Toe die eerste
openingsekwens begin speel, het dit
gevoel of ek die lewe skenk aan ’n baba!
Villa was die program waarom kykNET
se skedule as ’t ware gebou is. Maar kort
nadat die eerste episode uitgesaai is, is
twee internasionale kanale onder die
kykNET-sambreel.
“Ons is dalk meer mense, maar ons
bly ’n familie. Karen (Meiring, kanaalhoof) kan my een kyk gee en dan weet sy
wat in my gemoed aangaan. Sy lees my
soos ’n boek,” sê Feroza en lag haar kenmerkende borrellag.
Uitdagings is daar baie. “Alles gaan
oor beplanning. Ek het nie beheer oor
alles nie en soms kom daar programme
in wat in die verkeerde formaat is of
waarvan selfs die inhoud verkeerd is.
Ons moet ook uitkyk vir wanneer daar
dalk ’n vloekwoord inglip. Die grootste krisis is wanneer daar ’n verkeerde
program op die lug uitgaan. Vir my is
’n swart skerm en ’n verkeerde program
ewe erg – dit voel of die aarde moet
oopskeur en my insluk.”
Nogtans is haar werk vir haar ’n groot
vreugde. “Ek kry skoenlappers in my
maag, want geen probleem is soos
’n ander nie. Jy moet ook kan erken as jy
’n fout gemaak het én jy moet glo alles sal
uiteindelik uitwerk. Selfs wanneer kykers
met vreemde navrae bel – soos waar om
’n duvet te kry wat hulle in ’n TV-reeks
gesien het – sal ek dit probeer oplos.”
Hooffoto oorkant Feroza Katz, hoof van skedu
lering by kykNET, met vakansie in Italië. Heel
bo Die reisgogga het haar behoorlik gebyt
– hier is sy ook in Italië. Bo Feroza het vroeër
vanjaar haar eerste 10 km-padwedloop voltooi.
FEROZA IS SOGGENS voor ses al op
kantoor en die meeste dae is sy daar tot
ná ses saans. “As jy lief is vir jou werk,
gee jy nie om nie,” sê sy.
Sy het verlede jaar begin reis – ná
Amerika verlede jaar en Italië vanjaar is
sy in Desember op pad Marokko toe én
haar kaartjies vir volgende jaar se Wimbledon is bespreek. “Die skille het van
my oë afgeval,” sê sy opgewonde.
Tussendeur haar bedrywige program
en haar reise kry sy ook tyd om minstens vier keer per week te oefen, en sy
het onlangs haar eerste 10 km-wedloop
gedoen. “Slaap is ’n mors van tyd,” sê
sy en lag. “Ek is trots op wat ek doen. As
jy agter die skerms werk, kry dalk nie
altyd die nodige erkenning nie, maar ek
sal dit vir niks verruil nie.”
2016 | UITGAWE 4 | kykNET
43