SHOWMAX
So ver, maar só naby...
Suid-Afrikaners in die buiteland hoef nie meer kykNET-onttrekkingsimptome te
kry nie: Met ShowMax kan hulle enigiets kyk – van Binnelanders en Die Byl tot
aktualiteitsprogramme en Boer Soek ’n Vrou. ’n Paar gereelde kykers vertel meer.
Nicole Gowar
Hannelie Evans
Ons is al ’n paar maande in San Angelo hier in
Texas. Ek en my man, Albert, kom albei van Cradock in die Oos-Kaap en het ’n dogter, Johke, wat
amper twee word. My man doen ’n meestersgraad
in dierewetenskap en ek werk steeds as boekhouer
vir die maatskappy vir wie ek in Suid-Afrika gewerk
het. Ons mis die plaaslewe in Suid-Afrika en dit was
’n aanpassing om in ’n woonstel in te trek.
My man is Afrikaans en ek Engels, wat beteken my
dogter is geneig om meer Engels te hoor. ShowMax
gee haar die kans om elke dag Afrikaans te hoor.
Boonop is ShowMax bekostigbaar – anders as alles
anders diékant!
Ons hou van Binnelanders en Die Byl, asook Boer
Soek ’n Vrou en af en toe ’n fliek. Ons het ook onlangs
Getroud met Rugby: Die Sepie begin kyk.
Ek mis alles van Suid-Afrika. Ons land het wel sy
probleme, maar dit bly vir my die mooiste plek. Ek
was al bevoorreg om ’n paar lande te sien, en al geniet
’n mens dit, verlang jy altyd huis toe. Jy mis die klein
dingetjies – dinge soos om ’n vuur aan te steek, sekere
kossoorte (hier voel dit of alles soet is) en die klimaat.
Wie op kykNET sal ek graag nooi vir ete? Steve
Hofmeyr, Karen Zoid en At Koster, want hy skroom
nie om ’n ding te sê soos dit is nie.
Ek en my man is albei vroeg in die vyftig en het
drie dogters van in die twintig wat nog by ons bly.
Ons is vyf en ’n half jaar al hier in Perth.
Met die uitsondering van miskien ’n bietjie
CNN en plaaslike nuus kyk ons deesdae uitsluitlik
ShowMax. Selfs ek wat nog nooit sepies gevolg het
nie, kyk deesdae amper elke dag Binnelanders en
Getroud met Rugby – gewoonlik saans terwyl ek
besig is om kos te maak.
Maar ons kyk ook verskeie ander programme.
Ek mis nie Kwêla en KN Verslag nie. Ek het ook
VeranderDinge baie geniet, die kinders was mal
oor Hotel, en ons almal kyk saam Jan Braai.
Ons kyk ShowMax, want die programme is
regtig goed. Reekse soos Fluiters, Boland Moorde
en Die Byl is na my mening op ’n internasionale
standaard. Die teks is goed, die spel puik, en dis
sommer net lekker om te kyk. Dis vir ons ’n uitgemaakte saak dat kykNET op ShowMax deel van
ons kykgenot is.
Die groot voordeel is natuurlik dat ’n mens dit
kan kyk op ’n tyd wat jóú pas. Ek sal ShowMax be
slis vir ander mense aanbeveel – jy kan maar sê ek
is ’n lopende advertensie!
As ek drie mense vir ete kan nooi? Koekie en
Festus van Getroud met Rugby is seker ons gesin se
gunsteling-egpaar, At Koster laat ons aan mense
dink wat ons ken, en Jan Braai moet ’n lekker ou
wees om mee saam te kuier, net soos Karen Zoid.
As ek egter drie moet kies, sal dit Ruda Landman,
Riaan Cruywagen en Hans Strydom wees.
TEXAS, VSA
‘ShowMax gee my dogter
die kans om elke dag
Afrikaans te hoor.’
26
kykNET | UITGAWE 4 | 2016
PERTH, AUSTRALIË