Een groot gelukkige familie Dinge kan nogal senutergend raak op die stel van ’n program
soos die Republiek van Zoid-Afrika – elkeen moet immers sy of haar deel doen om die program
soos ’n goedgeoliede masjien te laat loop – maar uiteindelik het almal groot pret, en as alles
verby is, bars al die burgers van die republiek uit hulle nate. Regs Carien Loubser, “sekretarisgeneraal” van Republiek van Zoid Afrika, in aksie om te sorg dat alles loop soos dit moet.
‘Ek dink een van die redes is omdat mense
veilig voel by Karen. Sy is nie daar om mense se
vuil wasgoed te was nie, en dikwels kry sy stories
wat hulle nog nooit vertel het nie.’
24
die RZA-topverkoperlys, en Vusi
Mahlasela se “Weeping” was die liedjie
wat die vinnigste nr. 1 bereik het.
Carien wil nie die aap uit die mou laat
oor wat voorlê nie, maar sê wel een van
haar gunstelinge van die nuwe reeks is
Karen en Lianie May se weergawe van
“Jy Soen My Nie Meer Nie”.
Die een program wat vir Carien spesiaal bly, is die een in die vorige reeks
met Anneli van Rooyen as gas.
“Vir my is die uur voor ’n opname
begin, die spesiaalste. Die teks is geskryf,
die gaste is daar, die gehoor wag om in
te kom. Ons doen dan ’n finale repetisie
van die liedjie en dit is gewoonlik magic.
Anneli het nege jaar nié gesing nie en
ons het haar gevra of sy sal. Sy het gesê
sy sal kyk of sy op die dag kans sien.
“Anneli was in die grimeerkamer toe
die orkes ‘Ek Lewe’ begin speel. Ek het
haar gaan haal en gesê sy moet net kom
luister, vir haar gesê daar is geen druk
nie, maar as die gevoel haar vat, sal dit
fantasties wees. En toe stap sy op die
verhoog en begin sing. Ek en Lydia Winchester, Anneli se skakelbeampte, het op
’n bank gesit en huil. Toe ek opkyk, toe
sien ek Melissa (van der Spuy) huil agter
die klawerbord en die trane van Schalk
(van der Merwe, wat die baskitaar speel)
loop in sy baard in. Dit was beautiful.”
VIR DIE VIERDE REEKS is daar weer
’n paar hase uit die hoed getrek. Coenie
de Villiers is die eerste keer in 14 jaar
die een met wie die onderhoud gevoer
word; Lira, Karen se mede-beoordelaar
in The Voice, is ’n gas; en Leon Schuster
kom sing saam met Karen én vertel waar
sy liefde vir poetse vandaan kom.
“In episode 6 is die gaste Tobie Cronjé
en die Gereformeerde Blues Band
(Willem Möller, Jannie “Hanepoot” van
Tonder en Gary Herselman). Karen en
die band doen ’n weergawe van Johannes
Kerkorrel se liedjie “BMW”, met nuwe
lirieke wat Karen geskryf het vir vandag
se politieke omgewing.”
Maak jou maar reg: Die vierde reeks
van Zoid en haar republiek gaan weer
rekords breek. Hoor my lied.
Republiek van Zoid Afrika Dinsdae om 20:30 op kykNET, DStv-kanaal 144
kykNET | UITGAWE 4 | 2016