wil net gaste op die program hê in wie
sy self belang stel. “Ons wou ’n positiewe
program maak,” sê Carien. “Ons is so lief
om altyd oor alles te kla, maar tog is daar
soveel mense wat positief is oor SuidAfrika. Die program moes deel wees
van hierdie positiewe uitkyk.”
Bekendes staan tou om na die program genooi te word. “Ek dink een van
die redes is omdat mense veilig voel by
Karen. Sy is nie daar om mense se vuil
wasgoed te was nie, en dikwels kry sy stories wat hulle nog nooit vertel het nie.”
Met die uitsending van die eerste episode van RZA het Carien, Karen en die
res van die tegniese span saam gekyk.
Terwyl die program aan die gang was,
het Carien haar rekenaar gaan haal om
te kyk of daar enige kommentaar op
sosiale media is.
“Aan die begin het niemand ’n woord
gesê nie,” sê Carien en lag. “Maar seker
so twee derdes deur die program het
mense positief begin kommentaar lewer.
En toe die liedjie aan die einde klaarmaak, was die reaksie oorweldigend.”
Selfs kykers wat nie Karen Zoid-aanhangers was nie, het net die hoogste lof
gehad. “Ons was onlangs in ’n eetplek
toe ’n man en vrou, al twee seker in die
tagtig, na ons tafel toe stap. Die vrou
sê toe: ‘I just want to say that we love
your show.’ Engelse mense, ou mense,
kinders, mans met Blou Bul-hemde...
almal wil net vir Karen ’n drukkie gee.”
Altyd in beheer Op die stel van die Repu
bliek van Zoid Afrika is Carien altyd sterk
gefokus – sy moet immers ’n ogie hou oor
alles: die ligte, die klank, die gaste, en ja,
ook die ster van die vertoning, die rocker
Karen Zoid (foto regs). Onder is sy saam
met die Haas Das- en nuuslegende Riaan
Cruywagen, wat op die heel eerste program
sy verskyning gemaak het.
DIE SUKSES WAT DIE LIEDJIES van
RZA op iTunes gehad het, het hulle
onkant betrap. “Jack Parow se liedjie was die eerste een wat op iTunes
beskikbaar was,” onthou Carien. “Dit
het ingekom op nr. 56, later was dit
nr. 18, ’n halfuur ná die episode was
dit nr. 6, en die oggend toe ek wakker
word, nr. 1. Dit was surrealisties. Dis
Afrikaans, dis kykNET: Waddehel?”
Karen se weergawe van Anneli
van Rooyen se “Neem My Op
Vlerke” (wat saam met Metallica
se “Enter Sandman” vermeng is)
en haar en Valiant Swart se weergawe van “Sonvanger” is steeds op >
23
2016 | UITGAWE 4 | kykNET