Josef van Wyngaard
Universiteit van Pretoria
D
ie droogte wat ons (in
groot dele van SuidAfrika) ervaar het, het
die voorsiening van voldoende mielies onder druk geplaas.
Verder het die mielieprys gestyg,
wat veroorsaak dat die koste van
saamgestelde voere, soos suiwelkragvoer, ook verhoog. Daar is verskeie strategieë wat die suiwelboer
kan toepas in ‘n poging om hierdie
moeilike tyd te oorleef, soos: verminder diergetalle op die plaas,
maak gebruik van goedkoop byprodukte wat mielies in die kragvoer vervang óf verlaag die suiwelkragvoerpeil. Vir die meerderheid
van produsente is dit ‘n uitdaging
om dieregetalle te verlaag, terwyl
byprodukte nie altyd maklik verkrygbaar is nie. Die verlaging van
die suiwelkragvoerpeil is gewoonlik
‘n maklike en praktiese uitweg.
Belangrike vrae is egter met hoeveel
die kragvoerpeil moet verlaag en
wat is die impak daarvan op melkproduksie?
Twee studies is onlangs by Outeniqua Navorsingsplaas, George uitgevoer, een gedurende die laat-somer
en een in die vroeë-lente. Die doel
van die twee studies was om te
bepaal wat die effek van drie verskillende suiwelkragvoerpeile op die
melkrespons van Jersey-koeie op
twee verskillende weidingbasisse
het. Die twee proewe het dus voorsiening gemaak vir die effek wat
seisoenale weidingkwaliteit op
melkrespons (kilogram melk geproduseer per kilogram suiwelkragvoer) sou hê. Elke studie het
bestaan uit ‘n 50-dag metings-
periode, met identiese metodiek,
buiten vir die seisoen wat verskillende weidingbasisse tot gevolg
gehad het. Die twee weidingbasisse
was kikoejoe in die laat-somer en
meerjarige raaigras in die vroeëlente en die suiwelkragvoerpeile
was 0, 4 en 8 kg/koei/dag. Die droë
materiaal energie- en proteïeninhoud van die laat-somer en vroeëlente suiwelkragvoer was 13.1 MJ/
kg en 15.4%, en 13.2 MJ/kg en
13.8%, onderskeidelik. Tabel 1 beskryf die weidingbasis en -opbrengs
van elke studie. Dit is belangrik om
die weiding te beskryf, want dit
verskil van plaas tot plaas en daarvolgens die melkrespons ook. Beide
weidingbasisse was teen 42 kg
stikstof/ha na elke wei bemes. Weidingopbrengs verteenwoordig die
gemiddelde opbrengs voor elke