waarvan daar minstens twee jaar se resultate beskikbaar is. Die riglyne bied ‘n verwysingsraamwerk waarbinne meer spesifieke aanbevelings/keuses behoort te
val. Met die opstel van die aanbevelings en samevatting
is die volgende faktore in aanmerking geneem:
Graanopbrengs;
Aanpasbaarheid en opbrengsstabiliteit;
Aanvaarbare graankwaliteit;
Siekteweerstand;
Agronomiese eienskappe soos omval, pitvastheid,
uitloop, ensovoorts.
Die aanbevelings is na oorweging van hierdie faktore
per streek gedoen soos aangetoon in die tabelle en
sluit die volgende inligting in:
Kultivars;
Die optimum planttyd vir elke kultivar;
Die optimum plantdigtheid vir die spesifieke
plantdatum. Plantdigtheid in kilogram per hektaar
word ook beïnvloed deur duisendkorrelmassa en
plantdatum;
Die aanbevelings geld slegs vir graanproduksie;
Die kultivars word nie in volgorde volgens
opbrengspotensiaal aangedui nie.
Hierdie riglyne word jaarliks deur die komitee hersien
en aangepas vir die volgende seisoen. Die waarde van
hierdie inligting is dat die prestasie van individuele
kultivars in spesifieke jare, sowel as oor die medium
termyn, met mekaar vergelyk kan word. Die groot
variasie in klimaatstoestande, en die onvoorspelbaar-
heid daarvan, noodsaak kultivarkeuses wat die risiko sal
verlaag.
Indien hierdie inligting saam met die ander kultivareienskappe gelees word, kan ingeligte besluite rondom
die beste pakket van kultivars makliker gemaak word.
Hierdie diens wat Kleingraaninsituut aan produsente
verskaf is van onskatbare waarde, want elke produsent
kan volgens sy eie unieke omstandighede ‘n produksieplan met behulp van die Produksiehandleiding daarstel.
Behalwe vir kultivarkeuse, word onderwerpe soos algemene koringbestuur, wisselbouriglyne, grondbewerking, plantvoeding, grondsuurheid en onkruid-, plaagen siektebeheer, volledig hanteer. Deur hierdie
produksieriglyne sinvol te gebruik, kan die produsent sy
hulpbronne optimaal benut om winsgewend en volhoubaar te produseer. Vir elke koringprodusent is die
boekie dus ‘n moet! Tydens ʼn opname wat onder
koringprodusente gedoen is, was dit verblydend om te
hoor dat koringboere die handleiding as ʼn geweldige
belangrike bron van produksie-inligting beskou.
Die handleidings is ook in CD formaat beskikbaar. Sou
u verkies om die boekie dan eerder elektronies te gebruik, kontak ons asseblief. Indien u sou verkies om die
boekie per pos te ontvang, kan u Eveline Mofokeng by
(058) 307 3400 kontak. Die handleidings sal ook
tydens die Nampo Oesdag van 17 – 20 Mei by Kleingraaninstituut se stalletjie in die Microbial Solution Saal
beskikbaar wees.