Artikel deur Hans Lombard
T
wee van die wêreld se
befaamde en hoogs gerespekteerde gesondheid- en
voedselveiligheid gesaghebbendes – Die Europese Voedselveiligheidowerheid (EFSA) en
Kanada Gesondheid – het onomwonde bevestig dat glifosaat, die
aktiewe bestanddeel in die wêreld
se gewildste onkruiddoder, Roundup, “onwaarskynlik kanker in mense
kan verwek; en geen gesondheidsrisiko vir boere en ander bedrywe
inhou wat die produk hanteer nie”.
Kobus Steenekamp, besturende
direkteur van Monsanto, SuidAfrika, wat die verklaring in
Johannesburg bekend gemaak het,
het gesê: “Dit is ’n ondubbelsinnige
verwerping van die gevolgtrekking
in Maart 2015 deur die Internasionale Agentskap vir Kankernavorsing
(IARC) wat glifosaat gelys het as
‘waarskynlik kankerwekkend by
mense’.
"Die EFSA gevolgtrekking in die
eweknie-beoordeelde oorsig van die
plaagdoder se risiko-evaluering van
glifosaat is in die EFSA-joernaal 12
November 2015 gepubliseer. In
kontras met die IARC se evaluasie,
het die EU se eweknie (peer
reviewed) deskundiges, met slegs
een uitsondering, tot die gevolgtrekking gekom dat dit onwaarskynlik is dat glifosaat ’n kar-
sinogeniese potensiaal inhou
volgens Regulasie (EC) Nr.
1272/2008. Glifosaat is nie geklassifiseer as, of van voorneme om
geklassifiseer te word as karsinogenies of toksies nie. EFSA se
gevolgtrekking bevestig dat die
oorweldigende gewig van bewyse
deur dekades se navorsing op
glifosaat geen geloofwaardige data
opgelewer het om ’n verbintenis
met glifosaat en kanker te staaf
nie."
Op hul beurt het wetenskaplikes
van die Pest Management Regulatory Agency (PMRA) van Kanada
in April 2015 tot die gevolgtrekking
gekom dat "glifosaat geen gesondheidsrisiko inhou vir boere en ander
beroepe wat die produk hanteer
nie. Dié inligting is op Health
Canada se webblad gepubliseer.
Plaagbeheermiddels word slegs in
Kanada geregistreer indien die vlak
van blootstelling nie skadelik vir
Kanadese is nie, insluitende kanker."
“Ek hoop dat dié inligting die aanhoudende, ongestaafde gesanik van
die anti-GMO aktiviste dat glifosaat
’n gesondheidsrisiko is, tot ruste sal
bring,” het Steenekamp gesê. Hy
het bygevoeg dat van die ander
items wat ook onder Kategorie 2
deur IARC in dieselfde kategorie as
glifosaat ingesluit is, is ingelegde
groente, aalwynekstrak en koffie,
Image: https://i.ytimg.com/vi/d95FL_b1B0U/maxresdefault.jpg
asook beroepe soos dié van haarkapper of ’n braaikok.
Roundup Ready is langer as 40 jaar
in die mark en deur regulatoriese
owerhede in meer as 30 lande
goedgekeur. Dit is steeds die wêreld
se markleier in plaagbeheer. In Suid
- Afrika het regulatoriese owerhede
die produk die laagste veiligsheidsgradering gegee – 'n blou-etiket
(versigtig). Geel is skadelik en rooi is
toksies.
Steenekamp het daarop gewys dat
Monsanto nie meer die alleenvervaardiger van glifosaat is nie.
Daar is verskeie rolspelers in die
bedryf.
“Ook as verbruikers slaan almal in
diens van Monsanto die veiligheid
van ons produkte baie hoog aan.
Ons maatskappy is gebou op die
fondamente van wetenskap. Alle
geëtiketteerde gebruik van glifosaat
is veilig vir mense se gesondheid.
Dit word ondersteun deur een van
die mees ekstensiewe databasisse
beskikbaar ter wêreld. Ons is vol
vertroue dat die veiligheid van
glifosaat ’n waardevolle produk vir
produsente, tuiniers en ander
verbruikers sal wees,” het
Steenekamp beklemtoon.
Vir meer inligting skakel Kobus
Steenekamp 082 388
0219.