aandeelhouding in die masjien,
volgens die werklike gebruik van die
masjien, of betaal elke aandeelhouer vir breke wat plaasvind terwyl
hy die masjien gebruik. Daar moet
ook ooreengekom word of die
koste van gewone dienste volgens
aandeelhouding of werklike gebruik
verdeel gaan word. Verder moet
daar duidelike riglyne wees waaraan
elke aandeelhouer moet voldoen
wat betref ghries, olie vlakke
nagaan en was van die masjien.
Vervanging van die masjien:
Daar moet ‘n duidelike beleid wees
oor vervanging van die masjien, met
ander woorde na hoeveel jare /
seisoene / ure gaan die masjien
vervang word. Daar moet ook
besluit word of die masjien opgradeer gaan word as beter
modelle beskikbaar is en of die
masjien net met ‘n soortgelyke
masjien vervang gaan word.
Uittrede van ‘n aandeelhouer:
Een van die mees algemene
probleme by die gesamentlike
aankoop van masjiene kom voor
wanneer een of meer van die
aandeelhouers nie meer hulle
aandeel wil hê nie, maar die oorblywende aandeelhouers ook nie
hulle aandeel wil oorkoop nie. Daar
moet baie duidelike riglyne wees of
die oorblywende aandeelhouers in
so ‘n geval verplig sal wees om die
aandeelhouer uit te koop of nie, en
indien wel hoe die waarde van sy
aandeel bereken gaan word en die
betaalterme wat sal geld.
Indien al bogenoemde punte
deeglik deurdink word en daar
konsensus oor al die punte bereik
word wat deeglik op skrif gestel
is, kan die gesamentlike
aankoop proses glad verloop en
is dit ‘n wen-wen situasie vir almal
betrokke. So-nie kan dit maklik in
‘n familietwis of kwaai-vriendskap
tussen buurmanne lei.
Arnand Stofberg – B Agric Admin (US); B Compt (UNISA)
Direkteur: Boshoff Visser Worcester (Edms) Bpk; Boshoff Visser Groep (Edms) Bpk
Tel: 02334 22374
Epos: [email protected]
Bostaande is slegs ter inligting en is geensins advies nie. Boshoff Visser raai alle lesers aan om met 'n kundige finansiële adviseur in
verbinding te tree voordat enige besluite geneem word.