I
nwoners van Huis Vergenoegd
in die Paarl het Donderdag 11
Februarie ‘n tjek van R11 000
aan Agri Wes-Kaap se droogtehulpfonds oorhandig.
Die voorsitter van die inwonerskomitee, dr Francois Knoetze, sê ‘n
plaaslike tafeldruiweprodusent, mnr
Aat Hoekstra, het ingestem dat ‘n
groepie van die inwoners soggens
05:00 tafeldruiwe op sy plaas kan
pluk wat dan aan die inwoners van
die tehuis verkoop is. “Sodoende is
geld ingesamel, maar kon ons ook
‘n aktiwiteit aan inwoners bied wat
hulle baie geniet het,” sê hy. Behalwe vir die geld wat met die
druiweverkope ingesamel is, het
inwoners ook onder mekaar geld
ingesamel.
Die skenking is tydens Huis Vergenoegd se jaarlikse vrugtefees aan
Agri Wes-Kaap oorhandig, waar al
die vrugte deur plaaslike produsente geskenk is. “Uit dankbaarheid
vir die welwillendheid van ons
Paarlse boere en met die wete dat
baie boere elders in nood verkeer,
hoop ons dat hierdie skenking
iewers ‘n noodtoestand kan help
verlig,” het dr Knoetze gesê.
Mnr Carl Opperman, uitvoerende
hoof van Agri Wes-Kaap, het gesê
landbou in die Wes-Kaap het groot
waardering vir hierdie gebaar van
welwillendheid in ‘n tyd wat dit
baie swaar met baie van ons
produsente gaan. “Elke bietjie help.
Al wat ons kan sê, is baie, baie
dankie.”
Die voorsitter van Huis Vergenoegd se inwonerskomitee, dr Francois Kotze (regs) oorhandig die inwoners
se bydrae aan mnr Carl Opperman.